Da
I VÍDAR
I vetri
(1993)
LA MANSÊRDA
l’è cumè intrê int una fôla
la Natasia ch’lam dis
che se l’aves avù una mansêrda
lil Areb stêda
la piò cuntenta de’ mònd
lal dis
e pu la scor cun al parôli dj oc
LA MANSARADA
è come entrare in una favola
la Natascia che mi dice
che se avesse avuto una mansarda
lei sarebbe stata
la più contenta del mondo
lo dice
e poi parla con le parole degli occhi
INT UNA CA D’SGNUR
int una ca d’sgnur
me a ni sèra mai stê
e cvânt intrè int la câmbra
cun al persiâni ciusi
u n’um parèva gnânch ch’a camines
a j avèva pavura d’fê dl’armòr
e a j avdèva al bagaji
ch’a n’avèva mai vest acsè fèrmi
a sèra sicur ch’am gvardèva
e am mitè in sudizion
parchè a ca mi a j avèva una têvla
una cardenza e si scarâni
ch’al n’avèva impurtânza
IN UNA CASA DI SIGNORI
in una casa di signori
io non c’ero mai stato
e quando entrai nella camera
con le persiano chiuse
non mi pareva nemmeno che camminassi
avevo paura di fare rumore
vedevo la mobilia
che non avevo mai visto così ferma
ero sicuro che mi guardava
e mi misi in soggezione
perché a casa mia avevo una tavola
una credenza e sei sedie
che non avevano importanza
E’ VENT BIÂNCH
e’ vent biânch sòra la nèva
fèrum int e’ crusèri
la lus int al piazi
un mêr ch’un toca al spòndi
e’ sona la memôria
ch’lan fa turnê nisun
IL VENTO BIANCO
il vento bianco sopra la neve
fermo al crocevia
la luce nelle piazze
un mare che non tocca le sponde
suona la memoria
che non fa tornare nessuno
I VÍDAR
i murt is pèrd lòngh a la strêda
j è stè n’è stè
ui gvêrda i vìdar la matena prëst
cumè una fanfara
ch’las sint apèna
j à sòl sta cumpagnì
I VETRI
i morti si perdono lungo la strada
sono stati non sono stati
li guardano i vetri la mattina presto
come una fanfare
che si sente appena
hanno solo questa compagnia
STRADIVARI
a sèra a lè cun agli èvi int e’ prê
a ‘tasèva d’ascòlt ch’al cantava
– un runzèd ch’us stindèva rês a tëra –
e parchè a j ò pinsê che Stradivari
l’èpa fat i su viulen
döp che int un dè d’sòl cumè quest
l’à ‘tê d’ascòlt agli èvi int un prê?
STRADIVARI
ero lì con le api nel prato
ascoltavo che cantavano
– un ronzio che si stendeva raso terra –
e perché ho pensato che Stradivari
abbia fatto i suoi violini
dopo che un giorno di sole come questo
ha ascoltato le api in un prato?